Ishte vetëm në shtëpi me gjyshin kur doli në kopsht për të lozur me dy qentë e familjes, por dy qentë pitbull e sulmuan duke e vrarë.

Kështu një vajzë shqiptare vetëm 13-muajshe gjeti vdekjen në Flero të Bresciano, Itali, e shqyer nga dy qentë e shtëpisë.

Tentativat e gjyshit rezultuan të kota, pasi edhe ai u kafshua nga qentë në tentativë për të mbrojtur të voglën Victoria, e cila gjeti vdekjen për shkak të plagëve të marra në kokë.

Gjyshi i vogëlushes së ndjerë, pas ngjarjes së ndodhur këtë të diel është vënë nën hetim.

Nëna e vogëlushes një vajzë 22-vjeçare italiane nuk ishte në shtëpi në momentin që ndodhi ngjarja, ndërkohë babai i vogëlushes me origjinë shqiptare, punon në Gjermani, ku u transferua para disa muajsh, pasi humbi punën në Itali.

Kur policia mbërriti në banesën ku ndodhi ngjarja tragjike iu desh të përballej me dy pitbullët, të cilët nuk i lejonin të hynin brenda. Më pas mbërriti edhe nëna e foshnjës, e cila në gjendje shoku u dërgua në spital.

Prokuroria e Brescia ka regjistruar një procedim penal ndaj gjyshit nga ana e babait të të voglës me moshë 63-vjeçare, për mungesë kontrolli.

Aktualisht ii ndodhet në spital për shkak të plagëve të marra nga kafshimet e dy qenve, teksa tentonte të shpëtonte mbesën.

“Vetëm babai i vogëlushes dinte t’i mbante nën kontroll dy qentë”, thonë fqinjët e familjes. /noa.a/